Regueifa patronum! A improvisar sobre Harry Potter.

  • 🎬 Video
  • ℹ️ Published 3 years ago
preview_player
UCB6-_iTNx8Z8mdnFozBoUUA

Regueifa Patronum


Fevereiro de 2019. Biblioteca Anxo Casal. 

11 regueifeiras e regueifeiros reunem-se para regueifar caracterizados como personagens de Harry Potter.


Maré, (6 anos), como o elfo Dobby

Joana de Toba (8) como GinnyWesley

Irene Azul (9) como Harry Potter

Marinha Maseda (9) como Hermione

Icia de Graba(9) como Cho Chang

Nuno da Escarabunha (9) Sirius Black

Alba Maria, como Minerva McDonacall

Olalla Liñares, como Harry Potter

Estrela do Courel, (9) como Draco Malfoy

Manolo Maseda, como Severus Snape

Séchu Sende, como Voldemort.


O texto:


Séchu Sende / Voldemort

Eu nom som o Mago Teto

eu nom som o Mago Antón,

nom o mago Merlim

eu som-vos o Voldemort.


Alba Maria / Minerva 

Vou-vos cantar eu agora

que me tremam as pernas

apelido-me McDonacall

o meu nome é Minerva.


Manolo Maseda / Severus

E agora estamos no entroido

cantamos, ai, por parelhas, 

pero a mim entrou-me fame,

vou-che comer as orelhas. 


Icia / Cho Chang

E eu chamo-me Cho

e apelidom-e Chan

vou-che dizer a ti

que vas caer ao cham.


Estrela / Draco

Eu tenho a capa negra,

a capa negra total

vou de Slithering

que é o melhor que há.


Marinha / Hermione

Isto vai para o Draco

eu nom che som sangue suja

eu som-che boa maga

e nom som boa bruja.


Manolo Maseda / Severus 

Hoje aquí estamos de festa

e ti ves-me de parranda

bota-me umha regueifa

envolve-te na bufanda.


Joana / Ginny

E digo-che umha cousa

digo-che, ai, Voldemort, 

que eu som da melhor casa,

que eu som de Griffindor.


Séchu /Voldemort

Ai, para regueifar hoje,

ai para regueifar bem,

vós sodes...número oito,

e nós somos soio três.


Nuno / Sirius Black

A mim gusta-me a pata

gusta-me a pata de cabra

ai, eu sei muitos feitiços,

digo-che abraquedabra


Estrela / Draco

Si, ti tes raçom

es lista e linteligente,

pero a ti che falta algo

falta-che ai um dente. 


Joana / Ginny

E digo-che ai, a ti, 

e digo-che, ai, Draco,

e para vós tamém,

ai, aquí um espeliarmus.


Manolo Maseda / Severus

Hoje nom vim em vasoira

porque eu vinvos na moto

fazede-me um favor

e posade para a foto.


Icia / Cho Chang

Digo-vos eu a vós

marchade fora de aquí

que Galiza é nossa

marchade porque si.


Séchu / Voldemort

A Galiza nom é vossa

a Galiza é dos dragóns,

das bestas e dos monstros

e tamém de Voldemort.


Maré / Dobby

E digo-che umha cousa

que eu nom tenho móbil

eu som um trasgo

e eu chamo-me Dobby


Estrela / Dobby

E este é Sirius

el é Sirius Black

el é um animago

e transforma-se em cam.


Irene / Harry

Eu som mui listo

e tenho muita sorte

eu som mui simpático

eu som Harry Potter


Manolo Maseda / Severus

Para mim que nom es Harry

que ti es umha actriz

porque eu mirando bem

borro-che a cicatriz.


Marinha / Hermione

Aqui está Harry Potter

e el está aquí

el tem umhas gafas

e tamém umha cicatriz


Séchu / Voldemort

Ai, espera um momento,

ai, espera, meu irmao,

já me cheirava a mim,

já me cheirava a cam.


Icia / Cho Chang

E vós sodes mortífagos

e botades muito fume

facedes o que vos peta 

e....


Manolo Maseda / Severus

E ella quedou calada

seica lhe figerom um feitiço

pero estate tranquila

que cho saco eu com o riço.


Nuno / Sirius

Ai, meu patrono

ai, el é um cam,

ai, el é um lambóm,

e vai comer muito pam.


Icia / Cho Chang

Já estamos chegando ao fim

já está aquí o final

despedimo-nos de todos

e tampouco está mal.


Maré / Dobby

E digo-che umha cousa

o meu patronum é um coelho

e digo-che umha cousa

que eu nom estou cego.